ABŞ və Cənubi Koreyanın hərbi təlimləri Şimali Koreyanın narahatlığına səbəb olub

23 Avqust 2025, 09:41
14
0

Koreya Xalq Ordusunun Baş Qərargahının rəsmi nümayəndəsi bildirib ki, ABŞ və Cənubi Koreyanın keçirdiyi "Ulchi Freedom Shield" adlı birgə hərbi təlimlər Koreya yarımadasında sabitliyi pozur.

Bu barədə məlumatı Koreya Mərkəzi Teleqraf Agentliyi yayıb.

Onun sözlərinə görə, ABŞ və Cənubi Koreya həm ölkə daxilində, həm də xaricdəki etirazlara baxmayaraq, 18–28 avqust tarixlərinə planlaşdırılmış təlimlərə başlayıblar.

Baş Qərargahın nümayəndəsi vurğulayıb ki, bu manevrlər "son dərəcə təxribatçı və aqressiv xarakter daşıyır" və "KXDR-ə qarşı qəfil preventiv zərbə endirilməsini sınaqdan keçirməyə" yönəlib.