"Zebra-inək" eksperimenti: Yaponiyalı alimlərin qeyri-adi kəşfi mükafatlandırıldı
"Zebra-inək" eksperimenti: Yaponiyalı alimlərin qeyri-adi kəşfi mükafatlandırıldı
Yaponiyalı alimlər inəkləri zebra kimi rəngləməklə Şnobel mükafatı qazanıblar. Onlar biologiya sahəsində apardıqları eksperiment nəticəsində sübut ediblər ki, iribuynuzlu heyvanlara qara və ağ zolaqlar çəkildikdə, onlara qonan həşəratların sayı əhəmiyyətli dərəcədə azalır.
Bu barədə "Kyodo" agentliyinə istinadən xəbər verir.
Tədqiqatçıların sözlərinə görə, qara-ağ zolaqlı naxışın çəkilməsi fermerlərin iqtisadi göstəricilərinə birbaşa təsir göstərir və süd istehsalını artırır. Belə ki, hazırda inəklər onları sancan milçəklərlə mübarizəyə çox vaxt sərf edirlər.
Eksperiment zamanı alimlər yapon qara inəklərinə suda həll olan laklar çəkiblər. Nəticədə, həşəratların sayının 50 faiz azaldığı müşahidə edilib.
Qeyd edək ki, ABŞ-də bu il 35-ci dəfə qeyri-adi və gülməli elmi araşdırmalar üçün təqdim edilən Şnobel mükafatları sahiblərinə çatdırılıb. Təşkilatçılar bildirirlər ki, bu ənənəvi mükafat qeyri-adi ideyaları qeyd etmək və təxəyyülü şərəfləndirmək məqsədi daşıyır. Şnobel mükafatı 1991-ci ildən etibarən elmi-yumoristik "Annals of Improbable Research" jurnalı tərəfindən nüfuzlu "Nobel" mükafatlarının parodiyası olaraq təqdim edilir.







Oxşar -Yeniinfo.az
Rusiya və Çin eyni vaxtda ABŞ-a hücum etsə...
KİV: Şimali Koreya Rusiyaya minlərlə hərbçi göndərəcək
Brüsseldə iki hava limanı uçuşları dayandırdı
Noyabrın 5-də gözlənilən hava şəraiti
Çində uçan avtomobillərin istehsalına start verilib
Şok: Bu şəhərlər su altında qala bilər - Tarix açıqlandı
Nyu Yorkda yaşayan azərbaycanlılara şad xəbər
Şimali Koreya qüvvələri Pentaqonun rəhbərini raketlərlə "qarşılayıb"