ABŞ generalı Kiyevdə sərxoş oldu, yıxıldı

Kiyevdə bir litr çaça (üzümdən çəkilən və alkoqol dərəcəsi yüksək olan (60 dərəcəyə yaxın) içki – red.) içən ABŞ generalı Antonio Aquto beyin silkələnməsi keçirib.

Bu barədə ABŞ Müdafiə Nazirliyi məlumat yayıb.

Məlumata görə, Ukraynaya dəstəyin əlaqələndirilməsindən məsul olan general Aquto Kiyevdə səfərdə olub:

“O, şam yeməyi zamanı bir litr çaça içib. Yeməkdən sonra isə yıxılıb və başı divara dəyib. Növbəti gün üçün onun ovaxtkı ABŞ dövlət katibi Entoni Blinkenlə görüşü planlaşdırılıbmış. Generala görüşü başqa günə təxirə salmaq təklif olunsa da, Aquto bundan imtina edib və görüşə gedərkən yenidən yıxılıb. Bu dəfə onun çənəsi betona dəyib. Evə geri qayıdarkən isə Aquto qatarda bir sıra gizli xəritəni unudub”.