ABŞ Ukraynaya “Patriot” sistemləri üçün texniki dəstəyin göstərilməsini təsdiqləyib

ABŞ Dövlət Departamenti Ukraynaya “Patriot” hava hücumundan müdafiə sistemləri üçün 179,1 milyon dollarlıq texniki xidmət və maddi-texniki dəstəyin mümkün təminatını təsdiqləyib.

Məlumatı Pentaqonun hökumətlərarası müqavilələr əsasında xaricə hərbi texnika və silahların tədarükünə cavabdeh Təhlükəsizlik üzrə Əməkdaşlıq Agentliyi yayıb.

Qeyd olunur ki, Kiyev bundan əvvəl ABŞ-dan “Patriot” zenit-raket kompleksləri üçün ehtiyat hissələri, avadanlıqlar və texniki dəstək göstərilməsini xahiş edib.

ABŞ tərəfi məxfi və məxfi olmayan ehtiyat hissələri, proqram təminatı və yenilənmələri, sistemlərin modifikasiyası, müvafiq texniki dəstlər, həmçinin digər avadanlıqların təqdim olunmasına hazır olduğunu bildirib.