Yeni İnfo Xəbər Portalı

Almaniya hökumətinin hazırki kursu dəyişməzsə, ölkə uzunmüddətli iqtisadi staqnasiya ilə üzləşə bilər.

Bu barədə Münhendəki İfo İqtisadi Tədqiqatlar İnstitutunun rəhbəri Klemens Fuest deyib.

“Siyasətçilər özəl sektorun problemlərini həll etmirlər, əslində, onlar onları daha da ağırlaşdırırlar. Orta müddətli dövrdə vergilər və rüsumlar artacaq, çünki əks halda, məsələn, pensiya artımları artıq maliyyələşdirilməyəcək. Bu, investisiyaların daha da azalmasına və Almaniyadan kapital axınının artmasına səbəb olacaq. Nəticədə, Almaniya uzun müddətli durğunluq dövrünə qədəm qoya bilər. Artıma qayıdışın təminatı yoxdur", - Fuest "Süddeutsche Zeitung" qəzetinə verdiyi müsahibədə bildirib.

O hesab edir ki, Merz indiyə qədər iqtisadi siyasətdəki əsas çətinlikləri müzakirə etməkdən yayınıb.