Yeni İnfo Xəbər Portalı

Çexiyanın paytaxtı Praqadakı "Kralovske Vinohrady" universitet xəstəxanasının həkimləri görmə problemləri səbəbindən oxumaq, üzləri tanımaq və sərbəst hərəkət etmək qabiliyyətini itirən insanlara ümid veriblər.

"Euro Puls" nəşrinə istinadən xəbər verir ki, həkimlər yaşa bağlı görmə zəifliyindən əziyyət çəkən xəstələrin gözlərinə kiçik teleskoplar yerləşdiriblər.

Çex mütəxəssislərin ixtirası minlərlə insanların görmə qabiliyyətini bərpa edə bilər. Teleskop dedikdə adi teleskop kimi hazırlanmış xüsusi kamera nəzərdə tutulur.

Yalnız bir gözə yerləşdirilən implant, aralarında qazla doldurulmuş kamera olan iki güclü linzadan ibarətdir. Bu kamera linzaların optik xüsusiyyətlərini yaxşılaşdırmaq və teleskopu qorumaq üçün istifadə olunur.