Yeni İnfo Xəbər Portalı

Pentaqon Ukraynaya təhvil verilənlər də daxil olmaqla, "F-16" qırıcı təyyarələrinə xidmət göstərmək üçün genişmiqyaslı müqavilə imzalayıb.

Bu barədə Təhlükəsizlik üzrə Əməkdaşlıq Agentliyi (DSCA) məlumat yayıb.

Məlumata görə, müqavilə bu təyyarələr üçün tam təmir və logistika dəstəyi təmin edəcək.

Qeyd olunur ki, müqavilənin dəyəri 235.5 milyon dollardır. İşlər Belçikada "Sabena" aerokosmik mühəndislik şirkətində aparılacaq. Prosesin 2029-cu il yanvarın 28-dək tamamlanması gözlənilir.

"Müqavilə "F-16" təyyarələrinin və mühərriklərinin orta və əsaslı təmirini, eləcə də Ukrayna üçün logistika idarəetmə dəstəyini nəzərdə tutur", - deyə Pentaqondan verilən açıqlamada bildirilib.