Pezeşkian: Hicabın zorla tətbiq edilməsini düzgün hesab etmirəm

İran prezidenti Məsud Pezeşkian Fox News-a müsahibəsində bildirib ki, Qərbin İranın “dinc nüvə proqramı” ilə bağlı irəli sürdüyü ittihamlar əsassızdır.

Prezident vurğulayıb ki, İran nüvə silahı əldə etmək niyyətində deyil və beynəlxalq hüquq çərçivəsində xalqlar və qonşularla sülh və dialoq axtarır:

“Beynəlxalq problemlərin ən uğurlu həlli qarşılıqlı danışıqlardır. Amerika isə regionda və ölkəmizdə iğtişaşlar yaratmaq istəyir”.

Pezeşkian sözlərinə əsasən, Tehran dünyanın bütün ölkələri ilə normal əlaqələr qurmaq niyyətindədir və nə ölkə daxilində, nə də xaricdə iğtişaş yaratmaq istəmir.

O, hicab məsələsinə toxunaraq deyib: “Mən məcburiyyətə inanmıram və hicabın zorla tətbiq edilməsini düzgün hesab etmirəm. Bizim izlədiyimiz siyasətdə belə bir məcburiyyət yoxdur”.