Yeni İnfo Xəbər Portalı

Rusiya Odessaya dronlarla genişmiqyaslı hücum həyata keçirib

Rusiya Odessaya dronlarla genişmiqyaslı hücum həyata keçirib

24 iyul 2025 08:04 (UTC +04:00)

Rusiya Odessaya kütləvi dron hücumu həyata keçirib.

Yeni İnfo xəbər verir ki, bu barədə "Unian" məlumat yayıb.

Odessa Regional Dövlət Administrasiyasının rəhbəri Oleg Kiper bildirib ki, hava hücumundan müdafiə vasitələrinin fəal işləməsinə baxmayaraq, mülki infrastrukturda ziyan dəyib.

“Şəhərdə bir neçə yanğın baş verib. Çoxmərtəbəli yaşayış binasında iki mərtəbə, iki mərtəbəli evin damı, ticarət pavilyonları və yanacaqdoldurma məntəqəsi yanıb. Həmçinin, UNESCO-nun qoruması altında olan memarlıq abidələrinə ziyan dəyib. Xəsarət alanlar barədə məlumat dəqiqləşdirilir. Bütün səlahiyyətli qurumlar Rusiya hücumunun nəticələrinin aradan qaldırılması üçün işə başlayıblar,” – məlumatda belə qeyd olunub.