Yeni İnfo Xəbər Portalı

Argentinanın Puerto Tirol şəhərində qeyri-adi hadisə baş verib - səmadan birbaşa fermaya naməlum kosmik obyekt düşüb.

Fermaya təxminən 1,7 metr uzunluğunda və 1,2 metr diametrində iri silindr düşüb. Hadisəni daha da sirli edən məqam isə obyektin üzərini örtən, saça bənzəyən qəribə qara liflər olub.

Qeyri-adi "meteorit" artıq polis, xilasetmə xidməti və partlayıcı maddələr üzrə mütəxəssislər tərəfindən yoxlanılıb. Onlar obyektin təhlükəli material ehtiva etmədiyini açıqlasalar da, ərazidə 30 metrlik təhlükəsizlik perimetri yaradılıb.

Hazırda hadisə ilə bağlı araşdırma davam edir və obyektin nə olduğu hələ dəqiq müəyyən edilməyib.