Yeni İnfo Xəbər Portalı

ABŞ Dövlət Departamenti Səudiyyə Ərəbistanına potensial olaraq doqquz milyard dollarlıq "Patriot" hava hücumundan müdafiə raketlərinin satışını təsdiqləyib.

Bu barədə Pentaqondan məlumat verib.

Bildirilib ki, Səudiyyə Ərəbistanı hakimiyyəti ABŞ-dən 730 ədəd "PAC-3 MSE" yer-hava raketi və əlaqəli avadanlıq almaq üçün müraciət edib.

Əməliyyat Dövlət Departamenti tərəfindən təsdiqlənib və ABŞ Konqresinə bildiriş təqdim olunub.

Bəyan edilib ki, Səudiyyə Ərəbistanına raket satışı ABŞ-nin xarici siyasəti və milli təhlükəsizlik məqsədlərinə uyğundur. Məlumata görə, Ər-Riyada silah satışı regionda güc balansını dəyişdirməyəcək.

Pentaqon hesab edir ki, bu razılaşma ABŞ ordusunun döyüş hazırlığına mənfi təsir göstərməyəcək.