Ukrayna zavod tikmək üçün Almaniyanın “Rheinmetall” şirkətinə torpaq ayırıb

Ukrayna hökuməti Almaniyanın “Rheinmetall” konserninə Ukrayna Silahlı Qüvvələri üçün silah istehsalı zavodu tikmək məqsədilə torpaq sahəsi ayırıb.

Bunu Ukraynanın müdafiə naziri Denis Şmıhal deyib.

Şmıhalın sözlərinə görə, birgə müəssisə layihəsi Londonda keçirilən Müdafiə Təhlükəsizliyi və Avadanlıqları Beynəlxalq Sərgi və Konfransında (DSEI) 2025-ci ildə “Rheinmetall” şirkətinin baş direktoru Armin Papperger ilə görüş zamanı təsdiqlənib.

"Rheinmetall" mərmilərinin istehsalı üzrə yeni zavod tikiləcək", - nazir öz “Telegram” kanalında yazıb.

Şmıxal əlavə edib ki, tərəflər zavodun tikintisi ilə yanaşı, zirehli texnikanın təmiri və istehsalının inkişafı layihələrini də müzakirə ediblər.