Yeni İnfo Xəbər Portalı

Əbu-Dabidə məşhur "McLaren F1"in ən nadir nümunələrindən biri satışa çıxarılıb.

Satışı həyata keçirən "RM Sotheby's" hərrac evinin məlumatına görə, bu superkar bir sıra səbəblərə görə unikal sayıla bilər: Məsələn, o Bruney sultanının kolleksiyası üçün hazırlanıb. Avtomobil iki "Formula-1" çempionunun imzalarını daşıyır.

Superkarın 21 milyon dollardan baha satılacağı gözlənilir.

Bu avtomobil mövcud 64 "McLaren F1"dən 14-cüdür. İlkin olaraq 1994-cü ildə istehsal edilən kupe 2006-cı ildə "McLaren" fabrikində əsaslı təmir olunub. Yenidənqurma işlərinə yarım milyon dollardan çox vəsait xərclənib. 1996-cı ildə Mixael Şumaxer, 2007-ci ildə isə Lyuis Hemilton avtomobilin üzərinə öz imzalarını atıblar.

Superkar 22 min kilometrdən bir qədər çox tol qət edib və hazırda əla vəziyyətdədir.