Yeni İnfo Xəbər Portalı

"Ukrayna atəşkəs əldə olunmayana qədər Rusiya ilə heç nə barədə razılaşa bilməz. Danışıqlar kontekstində ən çətin məsələ ərazilərdir".

Bu barədə Ukrayna Prezidenti Volodimir Zelenski ABŞ Prezidenti Donald Trampla danışıqlardan sonra keçirdiyi mətbuat konfransında bildirib.

Ukrayna lideri Rusiyanın bütün Ukraynanı işğal etmək istədiyini xatırladıb.

"Bizim mövqeyimiz ilk növbədə atəşkəsdir. Düşünürəm ki, Tramp bunu başa düşür. Ən çətin məsələ hələ də ərazilərə aiddir", - Zelenski qeyd edib.

O bəyan edib ki, Rusiya atəşkəsə qarşıdır.

Ukrayna liderinin sözlərinə görə, Trampla söhbətində Ukraynanın enerji sektorunun atəşə tutulmasına qarşı cavab tədbirləri müzakirə olunmayıb.